സ്‌റ്റീഫന്‍ റാമിന്‍ എന്ന ജര്‍മ്മന്‍ വിനോദസഞ്ചാരി എവിടെയാണ്‌? സ്‌റ്റീഫനെ നരഭോജികള്‍ ആഹാരമാക്കി എന്നാണ്‌ റിപ്പോര്‍ട്ടുകള്‍.
കഴിഞ്ഞമാസം ഫ്രഞ്ച്‌ പോളിനേഷ്യന്‍ ദ്വീപായ നുക്കു ഹിവയില്‍ വച്ചാണ്‌ സ്‌റ്റീഫനെ കാണാതായത്‌. ഒരാഴ്‌ച നീണ്ട തെരച്ചിലിനൊടുവില്‍ ഹാംബര്‍ഗ്‌ സ്വദേശിയായ വിനോദസഞ്ചാരിയുടേതെന്ന്‌ കരുതുന്ന ശരീരഭാഗങ്ങളും വസ്‌ത്രാവശിഷ്‌ടങ്ങളും ഒരു അഗ്നികുണ്ഡം ജ്വലിച്ചിരുന്ന സ്‌ഥലത്തുനിന്ന്‌ കണ്ടെത്തുകയായിരുന്നു.
സ്‌റ്റീഫന്‍ തന്റെ കാമുകി ഹീക്ക്‌ ദോര്‍ഷുമൊത്ത്‌ 2008 മുതല്‍ ലോക പര്യടനത്തിലായിരുന്നു. നുക്കു ഹിവയില്‍ പരമ്പതാഗത ആട്‌ വേട്ട ആസ്വദിക്കുന്നതിന്‌ ഗൈഡായ ഹെന്റി ഹെയ്‌തി എന്നയാളുമൊത്താണ്‌ അവസാനം പുറത്ത്‌ പോയത്‌. വേട്ടയ്‌ക്ക് പോയ ശേഷം സ്‌റ്റീഫന്റെ താമസസ്‌ഥലത്തേക്ക്‌ മടങ്ങിയെത്തിയ ഹെന്റി അദ്ദേഹത്തിന്‌ അപകടം പിണഞ്ഞു എന്ന്‌ ഹീക്ക്‌ ദോര്‍ഷിനോട്‌ പറയുകയും അവരെ കീഴ്‌പ്പെടുത്താന്‍ ശ്രമിക്കുകയും ചെയ്‌തു. ഇതിനുശേഷം അപ്രത്യക്ഷനായ ഗൈഡിനെ കുറിച്ച്‌ വിവരമൊന്നും ലഭിച്ചിട്ടില്ല.
സ്‌റ്റീഫന്‍ റാമിന്റേത്‌ എന്ന്‌ കരുതുന്ന ശരീരഭാഗങ്ങള്‍ ശാസ്‌ത്രീയ പരിശോധകള്‍ക്ക്‌ വിധേയമാക്കുകയാണ്‌. എന്നാല്‍, നരഭോജികളുടെ കഥ അത്രയ്‌ക്ക് വിശ്വസിക്കാനാവില്ല എന്നാണ്‌ പോലീസ്‌ അധികൃതരുടെ പക്ഷം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ