ഫ്‌ളാറ്റും സ്വര്‍ണവുമൊക്കെയാണ്‌ മലയാളം ചാനലുകള്‍ റിയാലിറ്റി ഷോ
വിജയികള്‍ക്ക്‌ വാഗ്‌ദാനം ചെയ്യുന്നത്‌ . ചിലര്‍ക്ക്‌ വിദേശയാത്രയും
തരപ്പെട്ടാലായി. എന്നാല്‍ കാനഡയിലെ ഒരു റേഡിയോ സ്‌റ്റേഷന്റെ വാഗ്‌ദാനം
അഭിനന്ദനവും വിമര്‍ശനവും വിളിച്ചുവരുത്തിക്കഴിഞ്ഞു. വാഗ്‌ദാനത്തെക്കാളേറെ
പരസ്യമാണ്‌ ആളുകളുടെ നെറ്റിചുളിക്കുന്നത്‌ . 'വിജയിക്കൂ കുഞ്ഞിനെ നേടൂ'
എന്നാണ്‌ തലക്കെട്ട്‌ . ഒട്ടാവയിലെ ഹോട്ട്‌ 89.9 സ്‌റ്റേഷന്റെ റിയാലിറ്റി
ഷോയില്‍ വിജയിച്ചാല്‍ ഏകദേശം 16 ലക്ഷം രൂപയുടെ വന്ധ്യതാ നിവാരണ
ചികിത്സയാകും വിജയികള്‍ക്ക്‌ ലഭിക്കുക. നാനൂറ്‌ പേരാണ്‌ മത്സരത്തില്‍
പങ്കെടുക്കാനെത്തിയത്‌ . ഇവരില്‍ കാന്‍സര്‍ രോഗികള്‍ പോലും
ഉണ്ടായിരുന്നു. അഞ്ചു ദമ്പതികളാണ്‌ അവസാന റൗണ്ടിലുള്ളത്‌ .
എന്തുകൊണ്ട്‌ തങ്ങള്‍ വിജയിക്കണം എന്ന്‌ വിധികര്‍ത്താക്കളെ
ബോധ്യപ്പെടുത്തുകയാണ്‌ ഇനി ഇവരുടെ ചുമതല. ശ്രോതാക്കള്‍ക്കും
വിധിനിര്‍ണയത്തില്‍ പങ്കാളികളാകാം. പണമില്ലാത്തതു മൂലം ഭാവിതലമുറയ്‌ക്കായി
കൂടുതല്‍ കാത്തിരിക്കുന്നത്‌ ഒഴിവാക്കാനാണ്‌ ഒരു മത്സരാര്‍ത്ഥി
വോട്ടുതേടുന്നത്‌ .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ